Ölkə ərazisində güclü küləkli hava şəraiti aprelin 13-ü axşamadək davam edəcək
Bakı, 12 aprel, AZƏRTAC
Milli Hidrometeorologiya Xidmətinin aprelin 12-si saat 21:00-a olan məlumatına əsasən, ölkə ərazisinin bəzi yerlərində şimal-qərb küləyi güclənib.
Xidmətdən AZƏRTAC-a bildiriblər ki, küləyin sürəti Ağdamda arabir 38, Bərdə və Tərtərdə 36, Ağdamda 34, Gəncədə 33, Naftalanda 32, Bərdə, Tovuz, Daşkəsəndə 28, Kəlvəzdə 25, Zərdab, Ağstafa, Şəmkir, Gədəbəydə 24, Balakəndə 21 metr/saniyəyədək güclənib. Digər rayonlarda isə saniyədə 15-20 metr arasında gücləndiyi müşahidə edilir.
Ölkə ərazisində güclü küləkli hava şəraitinin aprelin 13-ü axşamadək davam edəcəyi gözlənilir.
Bölmənin digər xəbərləri
