ÖLÜ DEMOKRAT DİRİ RESPUBLİKAÇIDAN DAHA YAXŞIDIR?

11.11.2006 [21:20]
Çap et
A⁺ A^-

AZƏRTAC-ın İTAR-TASS-dan aldığı xəbərə görə, ABŞ-ın Cənubi Dakota ştatı şəhərlərindən birinin sakinləri iki ay əvvəl vəfat etmiş demokrat namizədi dairə hökumətinə seçmişlər. Mari Steyçen fəal seçki kampaniyası aparmış və hətta ilkin seçkilərdə qalib gəlmişdi. Lakin əsas seçkilərə 2 ay qalmış xərçəng xəstəliyindən ölmüşdür. Onun adı isə naməlum səbəblərə görə seçki bülletenlərindən silinməmişdir.

Dairə sakinləri bunu bilirdilər, amma səslərini Respublikaçılar Partiyasinin nümayəndəsi Merilin Festnerə (64 səs) deyil, məhz Steyçenə (100 səs) vermişlər.

Dairə nümayəndəsi Peterson demişdir: “Görünür, insanlar bununla, sadəcə, dəyişikliklərə səs vermişlər və biz onların rəyinə hörmətlə yanaşmalıyıq”.

Steyçenin yerini kimin tutacağı dairə şurasının xüsusi iclasında qərara alınacaqdır.

Oxşar hadisə 2000-ci ildə Missuri ştatında da baş vermişdi. Ştatın qubernatoru, Demokratlar Partiyasının üzvü Mel Karnahan Senata seçkilərə az qalmış avtomobil qəzasında həlak olmasına baxmayaraq, səsvermədə qalib gəlmişdi. Onun adını seçki bülletenlərindən silməyə imkan tapmamışdılar. Rəqibini 1 faiz səslə qabaqlayan mərhum qalibin yerini onun xanımı Cin Karnahan tutmuş və ərinin işini davam etdirəcəyini bildirmişdi.

ÖLÜ DEMOKRAT DİRİ RESPUBLİKAÇIDAN DAHA YAXŞIDIR?

MÜƏLLİFLƏ ƏLAQƏ

Bölmənin digər xəbərləri