ÖLÜMLƏ NƏTİCƏLƏNƏN YOL QƏZASI
Noyabrın 26-da saat 21.55-də Tovuz rayonunun Qovlar qəsəbəsində Maarif Məmmədovun idarə etdiyi VAZ-2106 VƏ Əli Əsgərovun idarə etdiyi VAZ-21013 markalı avtomaşınlar toqquşmuşdur. Nəticədə sürücü Maarif Məmmədov və Gəncə şəhərindən olan sərnişin Əjdər Əkbərov hadisə yerində ölmüşlər. Əli Əsgərov və onun avtomobilindəki sərnişinlər - Qovlar qəsəbəsinin sakinləri Südabə Abbasova, Tofiq Məmmədov və Mirzə Bağırov ağır bədən xəsarəti almışlar. Onların dördü də rayon xəstəxanasında yerləşdirilmişdir. Rayon polis şöbəsi faktla bağlı təhqiqat aparır.
X X X
MARİXUANA SATARKƏN TUTULMUŞLAR
Ağdaş Rayon Polis Şöbəsinin əməkdaşları Pirkəkə kənd sakini, 1969-cu il təvəllüdlü Kamran Nəbiyevin üstündə 110 qram marixuana aşkar edib götürmüşlər. 1978-ci il təvəllüdlü Çingiz Əfəndiyevi isə 5,7 qram marixuana satarkən polislər tərəfindən yaxalanmışdır.
Daxili İşlər Nazirliyinin mətbuat xidmətindən AZƏRTAC-ın müxbirinə bildirmişlər ki, DİN-in Narkotiklərə Qarşı Mübarizə İdarəsinin və Ağcabədi Rayon Polis Şöbəsi işçilərinın birgə əməliyyat tədbirləri nəticəsində Aşağı Avşar kənd sakini Qorxmaz Nəsibov 50,35 qram marixuana satarkən tutulmuşdur.
Bölmənin digər xəbərləri
