OMBUDSMANIN İCTİMAİ DİNLƏMƏLƏRLƏ BAĞLI BÖLGƏLƏRƏ SƏFƏRİ BAŞLAMIŞDIR
Azərbaycan Respublikasının insan hüquqları üzrə müvəkkili Elmira Süleymanova İnsan Hüquqlarının Müdafiəsi üzrə Milli Fəaliyyət Planının (MFP) təbliği və tətbiqi vəziyyətinin monitorinqi məqsədi ilə ölkəmizin hər bir rayonunda ictimai dinləmələr keçirir. Bununla əlaqədar müvəkkilin bölgələrə səfəri başlamışdır.
Ombudsman Aparatından AZƏRTAC-a bildirmişlər ki, ilk belə tədbir Ucar şəhərində keçirilmişdir. Tədbirdə Milli Məclisin deputatları, rayon icra hakimiyyətinin, bələdiyyələrin, məhkəmələrin, daxili işlər orqanlarının və digər qurumların nümayəndələri iştirak etmişlər.
Müvəkkil ictimai dinləmələrin mahiyyəti barədə danışmış, keçirilən maarifləndirmə tədbirlərinin bu istiqamətdə mühüm rol oynadığını vurğulamışdır. O, MFP-nin əhəmiyyətini qeyd etmiş, müvəkkilin bu sahədə fəaliyyəti barədə məlumat vermişdir.
Tədbirdə qarşıda duran vəzifələr və birgə əməkdaşlıq formaları müzakirə edilmiş, bölgədə planın gerçəkləşdirilməsi ilə bağlı görülən işlər barədə məlumat verilmişdir.
Bölmənin digər xəbərləri
