Orban Moskvaya mümkün səfəri barədə yayılan məlumatı təsdiqləməyib
Bakı, 5 iyul, AZƏRTAC
Macarıstanın Baş naziri Viktor Orban Rusiya Prezidenti Vladimir Putinlə Ukrayna münaqişəsinin həlli yollarını müzakirə etmək üçün Moskvaya səfər edəcəyi ilə bağlı mətbuatda yayılan xəbərləri təsdiqləməyib.
AZƏRTAC xəbər verir ki, Viktor Orban Kossuth radiosunun səhər proqramında iyulun 2-də Ukrayna Prezidenti Volodimir Zelenski ilə görüşmək üçün Kiyevə səfərindən sonra növbəti addımlarının nədən ibarət olacağı ilə bağlı suala cavabında deyib: “Bu, çox həssas məsələdir və onun barəsində yalnız bu, baş verdikdən sonra danışmaq olar”.
Qeyd edək ki, Avropa mediası rəsmi mənbələrinə istinadla Macarıstan Baş nazirinin iyulun 5-də Moskvaya mümkün səfəri barədə məlumat yayıb. İndiyədək nə Budapeşt, nə də Moskva bu məlumatı təsdiqləməyib.
Bölmənin digər xəbərləri
