“Orfey və Evridika” Opera və Balet Teatrında nümayiş olunub
Bakı, 14 aprel, AZƏRTAC
Azərbaycan Dövlət Akademik Opera və Balet Teatrında alman bəstəkar Kristof Qlyükün məşhur “Orfey və Evridika” opera&baleti nümayiş olunub.
Teatrdan AZƏRTAC-a bildirilib ki, səhnə əsərində əsas rolları Qazaxıstan Milli Opera və Balet Teatrının solisti Zarina Altınbayeva, həmçinin teatrımızın aparıcı solistləri, Əməkdar artistlər İlham Nəzərov, İnarə Babayeva və başqaları ifa edib.
Quruluşçu rejissoru Xalq artisti Kamilla Hüseynova olan səhnə əsərinin xormeysteri Əməkdar incəsənət xadimi Sevil Hacıyevadır.
Tamaşa Opera və Balet Teatrının baş dirijoru Əməkdar artist Əyyub Quliyev tərəfindən idarə olunub.
Aktyorların məharətli çıxışı səhnə əsərini daha baxımlı edib, tamaşa maraqla qarşılanıb.
Bölmənin digər xəbərləri
