Orxan Məmmədov: KOBİA-ya müxtəlif layihələrlə bağlı 35 ölkədən müraciət daxil olub
Bakı, 14 iyun, AZƏRTAC
İşğaldan azad olunan ərazilərimizdə layihələrin həyata keçirilməsi üçün 1100-dən çox müraciət daxil olub. Müraciət edənlər arasında öz işini qurmaq istəyən şəxslər çoxluq təşkil edir. Həmin şəxslər ticarət, sənaye, turizm, mədəniyyət və digər sahələrdə öz təşəbbüslərini irəli sürüblər.
AZƏRTAC xəbər verir ki, bu fikriləri ADA Universitetində təşkil olunan “Cənubi Qafqazda postmünaqişə dövründə inkişaf” mövzusunda dəyirmi masada Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov deyib.
O qeyd edib ki, Kəlbəcərdə, Şuşada, Ağdamda, Zəngilanda, Qubadlıda, Laçında, Xocalıda və işğaldan azad olunmuş digər ərazilərdə müxtəlif layihələr üçün təkliflər var.
"Bizə olunan müraciətlər təkcə ölkə daxilindən deyil, xarici dövlətlərdən də gəlir. Belə ki, bizə bu məsələlərlə bağlı 35 ölkədən müraciət daxil olub. Vacib məsələlərdən biri də işğaldan azad olunmuş ərazilərdə monitorinq və qiymətləndirmənin aparılmasıdır",-deyə İdarə Heyətinin sədri vurğulayıb.
Orxan Məmmədov deyib: "Bir sıra sahibkarların işğaldan azad olunmuş ərazilərə səfərləri təşkil olunub. Həmçinin sahibkarlara müvafiq təlimlər keçilib və onlara dəstək göstərilib”.
Bölmənin digər xəbərləri
