Ötən gün ərzində 23 cinayət faktı qeydə alınmışdır
Bakı, 18 noyabr (AZƏRTAC). Noyabrın 17-də respublikanın daxili işlər orqanları tərəfindən qeydə alınmış 23 cinayət hadisəsindən 15-nin üstü “isti izlər”lə açılmışdır.
Daxili İşlər Nazirliyinin mətbuat xidmətindən AZƏRTAC-a bildirmişlər ki, Cinayət Məcəlləsinin müxtəlif maddələri ilə axtarılan 4 nəfər tutularaq istintaq orqanlarına təhvil verilmişdir.
Respublikanın avtomobil yollarında qeydə alınmış 6 yol-nəqliyyat hadisəsi nəticəsində 2 nəfər ölmüş, 10 nəfər yaralanmışdır.
Daxili işlər orqanları əməkdaşlarının keçirdikləri əməliyyat-axtarış tədbirləri nəticəsində narkotiklərlə əlaqəli 5 fakt müəyyən edilmişdir.
Cinayət törətdiyinə görə 19 nəfər tutulmuşdur.
Bölmənin digər xəbərləri
