Ötən gün Hindistanda koronavirus 3 mindən çox insanın həyatına son qoyub
Bakı, 31 may, AZƏRTAC
Ötən sutka ərzində Hindistanda koronavirus pandemiyası 3128 nəfərin həyatına son qoyub.
AZƏRTAC xəbər verir ki, Hindistan Səhiyyə Nazirliyinin yaydığı məlumata görə, mayın 30-da ölkədə qeydə alınan 152 min 734 yoluxma son 50 günün ən aşağı göstəricisidir. İndiyədək Hindistanda ümumilikdə 28 milyon 47 min 534 nəfər koronavirusa yoluxub və onların 329 min 100 nəfəri həyatını itirib.
Ölkədə yoluxma hallarının azalmasına baxmayaraq, ölüm göstəricisi yüksək olaraq qalır. Belə ki, aprelin 4-də yoluxanların sayı 100 mini, aprelin 15-də 200 mini, aprelin 21-də 300 mini, aprelin 30-da 400 mini ötmüşdü. Yoluxma halları son 24 saatda aprelin 10-dan bəri ilk dəfə 150 mindən aşağı düşüb. Mayın 18-də 4 min 500-ü ötən gündəlik ölüm göstəricisi isə nisbətən azalsa da, hələ 3 mindən yuxarıdır.
Bölmənin digər xəbərləri
