İQTİSADİYYAT
Ötən il Azərbaycan iqtisadiyyatında 1,1 faiz iqtisadi artım qeydə alınıb
![Ötən il Azərbaycan iqtisadiyyatında 1,1 faiz iqtisadi artım qeydə alınıb](/files/2024/2/1200x630/17164533805933442712_1200x630.jpg)
Bakı, 23 may, AZƏRTAC
2023-cü ildə Azərbaycan iqtisadiyyatında 123 milyard 5,5 milyon manat ÜDM istehsal olunub, 1,1 faiz iqtisadi artım qeydə alınıb.
AZƏRTAC xəbər verir ki, bu barədə “Azərbaycan Respublikasının 2023-cü il dövlət büdcəsinin icrası haqqında” qanun layihəsinə və Azərbaycan Respublikasının 2023-cü il dövlət büdcəsinin icrasına dair illik hesabatına Hesablama Palatasının rəyində qeyd olunub.
Bildirilib ki, hesabat ilində neft hasilatının azalması fonunda neft-qaz sahələri iqtisadi artıma töhfə verə bilməyib və iqtisadi artım tamamilə qeyri-neft-qaz sahələri hesabına təmin edilib. Neft-qaz sahələrinin iqtisadi artıma azaldıcı təsiri 0,9 faiz bəndi olub. Neft hasilatının və neft-qaz qiymətlərinin əvvəlki illə müqayisədə azalması ilə yanaşı, həm də qeyri-neft-qaz sektorunda artımın müşahidə edilməsi ÜDM-də qeyri-neft-qaz sektorunun xüsusi çəkisinin nəzərəçarpacaq olmasını şərtləndirib. Belə ki, bu sektorun ÜDM-də payı 63,1 faizə yüksəlib.