Ötən il Bakı metrosundan ən çox sərnişin Bilik Günündə istifadə edib
Bakı, 27 yanvar, AZƏRTAC
Ötən il Bakı metrosunda bir gündə daşınan sərnişin sayına görə rekord qeydə alınıb.
“Bakı Metropoliteni” QSC-dən AZƏRTAC-a bildirilib ki, ötən ilin sentyabrın 16-da 898 180 sərnişin metrodan istifadə edib.
İkinci ən yüksək göstərici də ötən il qeydə alınıb. Belə ki, noyabrın 7-də metrodan 885 786 sərnişin istifadə edib.
Üçüncü rekord göstərici isə 24 dekabr 2018-ci il tarixinə aiddir. Həmin gün metrodan 882 254 sərnişinə xidmət göstərib.
Bununla yanaşı, ötən il “Bakı metropoliteni” QSC-nin 19 509 335 sərnişini QR biletdən istifadə edib. Bu göstərici ödənişli sərnişinlərin 8,75 faizini təşkil edir. QR biletdən ən çox istifadə edilən stansiyaların ardıcıllığı isə belədir: “28 May” - 1 705 798 sərnişin, “Gənclik” - 1 594 534 sərnişin, “Koroğlu” - 1 434 163 sərnişin.
Bölmənin digər xəbərləri
