PAKİSTAN ƏFQANISTANDA VƏZİYYƏTİN NİZAMA SALINMASINA DAİR PLAN TƏKLİF ETMİŞDİR
Hüseyn vurğulamışdır ki, “Pakistan Əfqanıstanda sülh və sabitliyin olmasını istəyir və xalq tərəfindən prezident seçilən Həmid Kərzaini dəstəkləyir”. Onun fikrincə, Əfqanıstanda vəziyyətin nizama salınması Kərzai hökumətinin sosial bazasının genişlənməsi, bütün puştulara “Taliban” hərəkatının döyüşçüləri kimi baxılmasından imtina edilməsi, Gülbəddin Hikmətyarla (sabiq Baş nazir, mücahidlərin lideri), molla Məhəmməd Ömərlə (taliblərin ruhani lideri) dialoq aparılması şərti ilə mümkündür. Bundan əlavə, Əfqanıstanla altı qonşu ölkədən - Pakistan, İran, Çin, Tacikistan, Özbəkistan və Türkmənistan, habelə Rusiya və ABŞ-dan ibarət “altı üstəgəl iki” sxemi çərçivəsində dialoqa yenidən başlamaq lazımdır.
Pakistan Senatının nümayəndəsi demişdir ki, Kabilin özünün, habelə Vaşinqton və Londonun Əfqanıstanda apardıqları siyasət yanlış xarakter daşıyır və qonşu ölkədə vəziyyətin əlverişsiz tərzdə inkişaf etməsinə görə İslamabadı təqsirləndirmək olmaz.
Bölmənin digər xəbərləri
