PAKİSTAN PARLAMENTİ AVROPA NƏŞRLƏRİNDƏ MƏHƏMMƏD PEYĞƏMBƏRƏ KARİKATURALAR DƏRC EDİLMƏSİNİ PİSLƏMİŞDİR
İclasda çıxış edən deputatlar bildirmişlər ki, biz bu cür küfrlü şəkillərə göz yummayacağıq.
Bu ara Pakistanda etiraz dalğası getdikcə güclənir. Ən iri radikal islamçı partiyaların alyansı Müttəhidə Məclisi-Amal “küfrlü şəkillərə” qarşı ümummilli etiraz günü keçirməyə çağırır. Bir sıra tələbə təşkilatları ölkənin Danimarka, Fransa, Almaniya, Norveç və İspaniyadakı səfirlərini geri çağırmaq tələbi ilə Kəraçidə və digər şəhərlərdə etiraz yürüşü təşkil etmək niyyətindədir.
Fevralın 2-də Lahor və Multanda etiraz nümayişləri keçirilmişdir. Mədrəsə tələbələri Danimarka əleyhinə şüarlar söyləmiş, bu ölkənin bayrağını yandırmışlar.
Son hadisələri Pakistan XİN-də belə şərh etmişlər: “Söz azadlığı bütün dünyanın bir milyard nəfərdən çox müsəlmanının hisslərini təhqir etməməlidir”.
Bölmənin digər xəbərləri
