Pakistanda 106 yaşlı qadın koronavirusun “delta” ştamından sağalıb
Bakı, 7 avqust, AZƏRTAC
Pakistanda 106 yaşlı qadın koronavirusun “delta” ştamına yoluxduqdan sonra sağalıb.
AZƏRTAC ARY News telekanalına istinadla xəbər verir ki, Hasin Bibi adlı qadın Kəraçi şəhərinin xəstəxanalarından birində müalicə alırdı.
Koronavirusun “delta” ştamı iyulun birinci yarısında Avropanın əksər ölkələrində dominantlıq edib. Bundan əlavə, Ümumdünya Səhiyyə Təşkilatı koronavirus pandemiyasının hələ sonunun gəlmədiyi barədə proqnoz verib.
Qeyd edək ki, COVID-19 infeksiyasının B.1.617 variantı ilk dəfə 2020-ci ilin oktyabr ayında Hindistanda aşkarlanıb. “Delta” ştamı son zamanlar dünyanın bir çox ölkəsinə yayılıb. Həkimlərin sözlərinə görə, Hindistanda koronavirus pandemiyasının ikinci dalğasına məhz bu ştam səbəb ola bilərdi.
Bölmənin digər xəbərləri
