Pakistanlı ekspert: Ermənistan Qarabağla bağlı öhdəliklərə əməl etməyə borcludur
Bakı, 14 sentyabr, AZƏRTAC
Biz, pakistanlılar Azərbaycan-Ermənistan sərhədində baş verənləri böyük narahatlıqla izləyir və kədərlənirik. Azərbaycan beynəlxalq səviyyədə tanınmış ərazi bütövlüyünü qoruyur və buna uyğun hərəkət edir. Ermənistan indiyədək Qarabağla bağlı ikitərəfli və çoxtərəfli danışıqlarda götürülmüş öhdəliklərə əməl etməyə borcludur. Biz beynəlxalq ictimaiyyətdən və təşkilatlardan bu hadisəni pisləməsini gözləyir və Ermənistanın təxribatlara son qoymasına ümid edirik.
Bunu AZƏRTAC-a açıqlamasında Pakistan-Azərbaycan Məzunları Birliyinin qurucusu, strateji kommunikasiyalar üzrə pakistanlı ekspert Qayser Nəvvab söyləyib. Qayser Nevvab deyib: “Sentyabrın 13-də Ermənistan silahlı qüvvələri Azərbaycanın Kəlbəcər, Laçın, Daşkəsən və Zəngilan rayonları istiqamətində genişmiqyaslı təxribatlar törədiblər. Təxribat nəticəsində Azərbaycan əsgərləri şəhid olublar. Bütün Azərbaycan xalqına dərin hüznlə başsağlığı verir, şəhidlərə Allahdan rəhmət diləyirik”.
Bildirilib ki, Ermənistan Azərbaycana qarşı təxribatlara son qoymalı və sülh üçün mövcud imkanlara kölgə salınmamalıdır.
Bölmənin digər xəbərləri
