Paraqvaylı deputat təyyarə qəzasında həlak olub
Bakı, 3 dekabr, AZƏRTAC
Paraqvayın şərqində kiçik təyyarənin qəzaya uğraması nəticəsində parlamentin deputatı da daxil olmaqla 4 nəfər həlak olub.
AZƏRTAC xəbər verir ki, bu barədə qanunverici orqanın aşağı palatası məlumat yayıb.
“Dekabrın 2-də deputat Valter Armes San Pedro departamentinin Quayaibi rayonunda təyyarə qəzası nəticəsində həlak olub. Hadisə nəticəsində deputatın qardaşı da daxil olmaqla daha 3 nəfər həlak olub”, - deyə məlumatda bildirilir.
Həmçinin bildirib ki, deputatın ölümü ilə əlaqədar Konqresdə üç günlük matəm elan edilib.
“Ultima Hora” qəzetinin məlumatına görə, təyyarə havaya qalxarkən ağaca dəyib.
Bölmənin digər xəbərləri
