Paraüzgüçümüz Vəli İsrafilov dünya çempionu olub
Bakı, 15 iyun, AZƏRTAC
Azərbaycan Milli Paralimpiya Komitəsinin üzgüçülük üzrə yığma komandasının üzvü Vəli İsrafilov Portuqaliyanın Madeyra şəhərində keçirilən dünya çempionatında qızıl medal qazanıb.
Komitədən AZƏRTAC-a bildiriblər ki, “Tokio-2020” XVI Yay Paralimpiya Oyunlarının qalibi olan V.İsrafilov 100 metr məsafəyə brass üsulla üzgüçülük yarışında 1 dəqiqə 05,66 saniyəlik nəticə göstərib.
Beləliklə, millimizin dünya çempionatında qazandığı medalların sayı 4-ə çatıb.
Qeyd edək ki, daha əvvəl üzgüçümüz Roman Saley 1 qızıl və 2 gümüş medal qazanmışdı.
Bölmənin digər xəbərləri
