PARİSİN HAVA LİMANINDA ERMƏNİLƏRDƏN KÜLLİ MİQDARDA KÜRÜ TUTULMUŞDUR

27.12.2003 [11:02]
Çap et
A⁺ A^-

AZƏRTAC-ın xüsusi müxbiri xəbər verir ki, dekabrın 25-də Parisin ən böyük hava limanı Ruasidə gömrük işçiləri onların nəzərindən yayınmağa çalışan və Yerevandan gəlib Marsel şəhərinə gedən üç ermənini şübhəli şəxs qismində saxlayaraq axtarış aparmışlar. Erməni ər və arvadın əldə apardıqları yüklərə baxış keçirilərkən onların hərəsində çəkisi 500 qram olan 39 qutu kürü aşkar edilmişdir. Onların digər həmvətəninin yüklərinə baxış zamanı 10,50 kiloqram qara kürü müsadirə olunmuşdur. Hər üç erməninin qanunsuz yollarla Fransaya keçirtmək istədikləri 30 kiloqrama yaxın kürü qara bazarda 20.000 avro qiymətində dəyərləndirilir. Ermənilər ilkin istintaq zamanı kürünü Yeni il qabağı baha qiymətə satmaq məqsədi ilə gətirdiklərini etiraf etmişlər.

Elə həmin gün fransız gömrükçüləri daha bir uğurlu əməliyyat nəticəsində çəkisi 34 kiloqram olan 298 qutu kürünü İngiltərəyə aparmağa cəhd göstərən iki İsrail vətəndaşını Kokel tunel keçid məntəqəsində saxlamışlar. Onlardan müsadirə edilmiş kürü 60.000 avro dəyərində qiymətləndirilmişdir.

Baş gömrük idarəsinin verdiyi məlumatda ilin əvvəlindən bəri Fransaya qanunsuz yollarla gətirilən 362 kiloqram kürünün müsadirə edildiyi və bu rəqəmin ötən ilin müvafiq dövrü ilə müqayisədə 65 faiz çox olduğu bildirilir. Məlumatda kürünün, əsasən, Rusiyadan gətirildiyi xüsusi vurğulanmışdır.

PARİSİN HAVA LİMANINDA ERMƏNİLƏRDƏN KÜLLİ MİQDARDA KÜRÜ TUTULMUŞDUR

MÜƏLLİFLƏ ƏLAQƏ

Bölmənin digər xəbərləri