PARLAMENT XƏBƏRLƏRİ
Milli Məclisin deputatları Nairə Şahtaxtinskaya və Bəxtiyar Əliyev Avropa Şurası Parlament Assambleyasının Miqrasiya, Qaçqınlar və Demoqrafiya Komitəsinin iclasında iştirak etmək üçün fevralın 26-dan martın 1-dək Cenevrədə səfərdə olacaqlar.
Milli Məclisin mətbuat xidmətindən AZƏRTAC-a bildirmişlər ki, iclasda qaçqınların, məcburi köçkünlərin vəziyyəti, Çeçenistanda ictimai-siyasi qurum və digər aktual məsələlər müzakirə olunacaqdır.
X X X
Martın 4-də Avropa Şurası Parlament Assambleyası Monitorinq Komitəsinin yığıncağı keçiriləcəkdir. Yığıncaqda deputatlardan Nairə Şahtaxtinskaya, Bəxtiyar Əliyev və Asim Mollazadə iştirak edəcəklər. Tədbirdə Türkiyə, Azərbaycan, Gürcüstan və Albaniyada monitorinq prosesinin gedişi barədə məruzələr dinləniləcəkdir.
Hər iki tədbirdə Milli Məclisin deputatları müzakirə olunacaq məsələlərlə əlaqədar çıxış edəcək, rəy və təkliflərini bildirəcəklər.
Bölmənin digər xəbərləri
