PAYIZLIQ KARTOF YIĞILIR
Kürdəmir rayonunun torpaq mülkiyyətçiləri son illər bölgədə təsərrüfatın qeyri-ənənəvi sahəsi hesab edilən kartofçuluğa ciddi maraq göstərirlər. Bu il kartof əkinini 1.329 hektara çatdıran sahibkarlar sahələrdən 14 min 700 ton məhsul istehsal etmişlər.
Rayon icra hakimiyyətinin aqrar şöbəsindən AZƏRTAC-a verilən məlumatda bildirilir ki, torpaq mülkiyyətçiləri bir sıra ərazilərdə ildə 2 dəfə kartof yetişdirməyə nail olurlar. Xüsusilə Kür çayının sahilinin və yaxın ərazilərinin torpaqları bunun üçün çox əlverişlidir.
Payızlıq kartof adətən sentyabrda əkilir. Cari mövsümdə təkcə Mehdili kəndinin sakinləri 250 hektarda, Axtaçı ərazi vahidində isə 100 hektarda təkrar kartof əkilmişdir. Artıq bir neçə gündür ki, əkinçilər məhsul yığımına başlamıslar. İlkin nəticələr onları qane edir. Belə ki, hər hektardan orta hesabla 70 sentner kartof götürülür.
Bölmənin digər xəbərləri
