Paytaxtda səkkiz avtomobildən oğurluq edən şəxs tutulub
Bakı, 1 noyabr, AZƏRTAC
Nəsimi Rayon Polis İdarəsinin 22-ci polis şöbəsinə rayon ərazisində “Nissan” markalı bir avtomobildən min manat dəyərində çantanın oğurlanması barədə müraciət daxil olub.
Daxili İşlər Nazirliyinin mətbuat xidmətindən AZƏRTAC-a bildirilib ki, oğurluq əməlini törətməkdə şübhəli bilinən Bakı şəhər sakini, əvvəllər məhkum olunmuş R.Abdullayev polis əməkdaşlarının keçirdikləri əməliyyat-axtarış tədbirləri nəticəsində müəyyənləşərək saxlanılıb.
Onun müxtəlif vaxtlarda daha yeddi avtomobildən ümumilikdə 2224 manat məbləğində pul, bankomat kartları və sənədlər, 1150 manat dəyərində eynəklər, qulaqcıq və kosmetik əşyalar oğurlaması da müəyyənləşib.
Faktla bağlı rayon polis idarəsi tərəfindən araşdırma aparılır.
Bölmənin digər xəbərləri
