PAYTAXTIN SURAXANI RAYONUNDA VƏ GƏNCƏ ŞƏHƏRİNDƏ BAŞ VERMİŞ OĞURLUQ HADİSƏLƏRİNİN ÜSTÜ AÇILMIŞDIR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Əmircan qəsəbə sakini Şahin Məmmədovun evindən plastik qapı, pəncərə və dülgər alətləri oğurlanmışdır.
Oğurluğu törətmiş Əmircan qəsəbə sakini, əvvəllər məhkum olunmuş Vitali Aydarov Suraxanı Rayon Polis İdarəsinin 31-ci bölməsi əməkdaşlarının keçirdikləri əməliyyat tədbirləri nəticəsində tutulmuşdur.
Cari ilin fevral ayı ərzində Gəncə şəhər sakinləri Eltun Əhmədova, Sadiq Nəsibova və Mətləb Bayramova məxsus mağazalardan ümumən 580 manat, 200 dollar məbləğində pul və 1 ədəd mobil telefon oğurlanmışdır.
Oğurluq hadisəsini törətmiş Şamaxı rayon sakini Nazim Soltanov və qardaşı Ramin Nizami Rayon Polis Şöbəsinin əməkdaşlarının keçirdikləri əməliyyat tədbirləri nəticəsində saxlanılmış və cinayət məsuliyyətinə cəlb olunmuşlar.
Faktlarla bağlı araşdırmalar aparılır.
Bölmənin digər xəbərləri
