PEGİONLARDA ƏMƏK YARMARKALARI KEÇİRİLMİŞDİR
Əmək və Əhalinin Sosial Müdafiəsi Nazirliyi Baş məşğulluq idarəsindən AZƏRTAC-a bildirmişlər ki, sentyabrın 24-də keçirilmiş həmin yarmarkalarda 727 nəfər münasib işlə təmin olunmuş, 60 nəfər peşə hazırlığı kurslarına, 30 nəfər isə haqqı ödənilən ictimai işlərə cəlb edilmişdir.
Ümumiyyətlə, ilin əvvəlindən indiyədək 52 rayonda belə tədbirlər keçirilmişdir. Nəticədə, 3934 nəfər özünə iş yeri tapmış, 400 nəfər peşə hazırlığı kurslarına, 385 nəfər isə haqqı ödənilən işlərə cəlb olunmuşdur.
Sentyabrın 29-30-da isə paytaxtda əmək yarmarkası keçirmək nəzərdə tutulur.
