PEKİNDƏ OLİMPİYA KƏNDİ AÇILMIŞDIR
Ölkəni Olimpiya oyunlarında təmsil edəcək 265 atletdən və rəsmi şəxsdən ibarət nümayəndə heyətinin iştirakı ilə keçirilmiş mərasimə basketbol ulduzları Yao Min, İ Szyanlyan və Van Çjiçji başçılıq etmişlər. Qeyd edək ki, XXIX Olimpiya oyunlarının ən böyük komandası sayılan Çin yığmasına 639 idmançı daxildir.
66 hektar ərazidə salınmış Olimpiya kəndində çoxmərtəbəli yaşayış korpusları kompleksi, gündə 6 minədək adam qəbul edəcək restoran, habelə kitabxana, xəstəxana, üzgüçülük hovuzları, tennis kortları, basketbol meydançaları, qaçış yolları, mağazalar, kafelər və hətta özəl yanğınsöndürmə stansiyası yerləşir.
Olimpiya və Paralimpiya oyunları başa çatandan sonra kənd yenidən qurularaq Pekinin ümumi mənzil fonduna veriləcəkdir. Bütün bu işləri 2009-cu ilin axırınadək başa çatdırmaq planlaşdırılır. Çin KİV-lərinin informasiyasına görə, gələcək mənzillər artıq satılmış, 1 kvadratmetrin qiyməti isə 2800-4220 dollar arasında olmuşdur.
Xatırladaq ki, Azərbaycan olimpiyaçılarının ilk qrupu avqustun 6-da Pekində olacaqdır.
Bölmənin digər xəbərləri
