PƏRAKƏNDƏ ƏMTƏƏ DÖVRİYYƏSİNİN MƏBLƏĞİ 15,2 FAİZ ARTMIŞDIR
Dövlət Statistika Komitəsindən AZƏRTAC-a bildirmişlər ki, 2008-ci ilin ilk yarısında ölkə üzrə pərakəndə əmtəə dövriyyəsinin məbləği ötən ilin müvafiq dövrünə nisbətən 15,2 faiz artaraq, 5 milyard 861,1 milyon manat olmuşdur. Dövriyyənin 15,6 faizi hüquqi şəxslərin, 45,3 faizi mütəşəkkil təşkil olunmuş yarmarka və bazarlarda fəaliyyət göstərən fiziki şəxslərin, 39,1 faizi isə ticarət fəaliyyəti göstərən fərdi sahibkarların hesabına formalaşmışdır.
Yarım ildə ticarət şəbəkələrindən əhaliyə 3 milyard 809,1 milyon manatlıq ərzaq, 2 milyard 52 milyon manatlıq qeyri-ərzaq malları satılmışdır. Bu müddətdə 1 milyard 719,4 milyon manatlıq pullu xidmət göstərilmişdir. Xidmətin 79,4 faizi hüquqi, 20,6 faizi fiziki şəxslərin payına düşmüşdür.
Bölmənin digər xəbərləri
