Peşə təhsili alan 28 nəfərə tələbə krediti verilib
Bakı, 30 dekabr, AZƏRTAC
Peşə təhsili alan 28 tələbəyə ilk dəfə olaraq 7675 manat məbləğində təhsil tələbə krediti verilib.
Peşə Təhsili üzrə Dövlət Agentliyindən AZƏRTAC-a bildirilib ki, cari ildə 6 yeni ixtisas üzrə təhsil proqramı hazırlanıb.
2023/2024-cü tədris ili üzrə yüksək texniki peşə təhsili səviyyəsi üzrə kompüter şəbəkələri və şəbəkə inzibatçılığı, kənd təsərrüfatı və inşaat texnikasının (maşınlarının) istismarı, texniki peşə təhsili səviyyəsi üzrə rabitə quraşdırıcısı-kabelçi, kombi və kondisioner ustası, planer və mühərrik üzrə mexanik, unüyütmə istehsalının aparatçısı olmaqla ümumilikdə 6 yeni ixtisas üzrə səriştəəsaslı təhsil proqramları hazırlanıb. Yeni ixtisas və proqramların yaradılması zamanı işəgötürənlərdən gələn tələblər, ixtisasın tədris olunduğu regionun ümumi sosial-iqtisadi inkişaf meyilləri nəzərə alınıb və əmək bazarının tələblərinə uyğunlaşdırılıb.
Bölmənin digər xəbərləri
