Peşəkar Futbol Liqası yeni əməkdaşlıq müqaviləsi imzalayıb
Bakı, 31 oktyabr, AZƏRTAC
Peşəkar Futbol Liqası (PFL) və “Cansports travel and consulting” şirkəti arasında əməkdaşlıq müqaviləsi imzalanıb.
AZƏRTAC PFL-ə istinadla xəbər verir ki, “Cansports travel and consulting” şirkəti qurumun daxili və xarici səfərlərini təşkil edən şirkətlər siyahısına daxil olub.
Bundan əlavə, zərurət yaranacağı təqdirdə “Cansport” şirkəti PFL-in digər layihələri zamanı da tərəfdaş kimi təşkilati işlərə müvafiq dəstək verə bilər.
Azərbaycanda bu sahədə fəaliyyət göstərən “Cansports travel and consulting” şirkətinin əsas məqsədi idman turnirləri, təlim-məşq toplanışları, idmanla bağlı müxtəlif xidmətləri yüksək səviyyədə həyata keçirmək və nümayiş etdirməkdir.
Bölmənin digər xəbərləri
