PETERBURQDA MDB PARLAMENTLƏRARASI ASSAMBLEYA ŞURASININ İCLASI KEÇİRİLƏCƏK

09.11.2006 [18:29]
Çap et
A⁺ A^-

AZƏRTAC “İnterfaks” agentliyinə istinadla xəbər verir ki, noyabrın 16-da Sankt-Peterburqda MDB Parlamentlərarası Assambleya Şurasının iclası keçiriləcəkdir. İclasda MDB ölkələri parlamentlərinin nümayəndə heyətləri, habelə Əfqanıstan parlamentinin təmsilçiləri iştirak edəcəklər. Bunu jurnalistlərə MDB Parlamentlərarası Assambleya Şurasının baş katibi Mixail Krotov Rusiyanın şimal paytaxtında bildirmişdir.

Şuranın iclasında MDB-nin islahatı planları, habelə Qırğızıstanda vəziyyət və Tacikistanda prezident seçkilərinin yekunları müzakirə olunacaqdır. İclasda ekologiya və müdafiə məsələlərinə də baxılacaqdır.

M.Krotov demişdir ki, iclas “MDB-nin 15 illiyi. Əməkdaşlığın yekunları və perspektivləri” devizi ilə keçəcəkdir.

Onun sözlərinə görə, Peterburqda “Qafqaz dördlüyü”nün (Gürcüstan, Azərbaycan, Rusiya, Ermənistan) qapalı iclası da olacaq, regionun ağrılı məsələləri və onların həlli yolları müzakirə ediləcəkdir.

PETERBURQDA MDB PARLAMENTLƏRARASI ASSAMBLEYA ŞURASININ İCLASI KEÇİRİLƏCƏK

MÜƏLLİFLƏ ƏLAQƏ

Bölmənin digər xəbərləri