PEYVƏND KAMPANİYASINA BAŞLANMIŞDIR
Respublika Kənd Təsərrüfatı Nazirliyi Baytarlıq Baş İdarəsinin tərtib etdiyi illik epizootik plana uyğun olaraq, Astara rayon baytarlıq idarəsində kənd təsərrüfatı heyvanları arasında yoluxucu xəstəliklərə qarşı bir sıra müalicə-profilaktika tədbirləri həyata keçirilmişdir. Bu, rayonun fermer və şəxsi təsərrüfatlarında olan 30 min 500 başdan yuxarı qaramalı, 17 min 600 başdan yuxarı davarı, 1000-dən çox təkdırnaqlı heyvanı, 137 mindən çox ev quşunu yoluxucu və xroniki xəstəliklərdən qorumaq məqsədi ilə aparılır.
Astara rayon baytarlıq idarəsindən AZƏRTAC-ın müxbirinə bildirmişlər ki, bu iş dekabr ayının sonuna qədər başa çatdırılacaqdır. İdarə heyvandarlıqla məşğul olan fermer təsərrüfatlarına və fiziki şəxslərə “Aptek-servis” xidməti də göstərir.
Bölmənin digər xəbərləri
