Polşanın müasir rəqs teatrının artistləri Bakıda çıxış edəcəklər
Bakı, 14 may (AZƏRTAC). Polşanın Lyublin şəhərinin Rəqs Teatrı Bakıya gələcəkdir.
Polşa Respublikasının Azərbaycandakı səfirliyindən AZƏRTAC-a bildirmişlər ki, bu müasir rəqs teatrı mayın 18-də Azərbaycan Dövlət Akademik Milli Dram Teatrının səhnəsində “Nano” tamaşasını nümayiş etdirəcəkdir.
Giriş pulsuzdur. Gecənin sponsorları Polşanın Bakıdakı səfirliyi, Azərbaycanın Mədəniyyət və Turizm Nazirliyi, Dövlət Akademik Milli Dram Teatrı, Adam Mitskeviç İnstitutu və Lyublin Şəhər İcra Hakimiyyətidir.
Lyublin Rəqs Teatrı 2001-ci ildə yaradılmışdır. Bu teatr dəfələrlə ABŞ, İsveçrə, Fransa, Macarıstan, Finlandiya, İspaniya, Litva, Rusiya, Almaniya, Avstriya, Tunis, Hollandiya, Belarus, Ukraynada keçirilmiş beynəlxalq festivalların iştirakçısı olmuşdur.
Bölmənin digər xəbərləri
