Pomidor istehsalı və ixracı ilə məşğul olan sahibkarlarla görüş keçirilib
Bakı, 2 noyabr, AZƏRTAC
Qida Təhlükəsizliyi Agentliyi ölkəmizdən Rusiyaya pomidor ixracı ilə məşğul olan sahibkarlarla görüş keçirib.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, 75-ə yaxın sahibkarlıq subyekti ilə videokonfrans formatında keçirilən görüşdə pomidor bitkisinə qoyulan ixrac tələbləri və həyata keçirilən fitosanitar nəzarət tədbirləri ilə bağlı sahibkarlara ətraflı məlumat verilib.
Qeyd edilib ki, istehsal olunan pomidor məhsulunun təhlükəsizlik və keyfiyyət göstəricilərinin beynəlxalq standartlara cavab verməsi daim sahibkarların diqqət mərkəzində olmalıdır. Eyni zamanda bitkiçilik təsərrüfatlarında zərərvericilərə qarşı mübarizə tədbirləri çərçivəsində yeni metodların tətbiqinin mühüm əhəmiyyət kəsb etdiyi və bu sahədə həyata keçirilməsi zəruri olan tədbirlər sahibkarlıq subyektlərinin diqqətinə çatdırılıb.
Görüşdə sahibkarları maraqlandıran suallar cavablandırılıb.
Bölmənin digər xəbərləri
