Prezident İlham Əliyev: Bundan sonra qalib xalq və müzəffər ölkə kimi əbədi yaşayacağıq
Bakı, 4 oktyabr, AZƏRTAC
Bu gün Suqovuşanda və Talış kəndində olarkən bir daha xalqımızın, Silahlı Qüvvələrimizin qəhrəmanlığını görürəm. Buraya gələn hər kəs bunu görür və görəcək. Çünki bu yerləri işğaldan azad etmək, ölümə getmək, bax, xalqımızın böyüklüyünü göstərir.
AZƏRTAC xəbər verir ki, bu fikirləri Prezident İlham Əliyev Suqovuşan qəsəbəsində çıxışı zamanı söyləyib.
Dövlətimizin başçısı deyib: “Bu gün hər iki kənddə Dövlət bayrağını ucaldaraq şəhidlərimizin əziz xatirəsinə bir daha ehtiramımı bildirirəm. Azərbaycan xalqına da təşəkkürümü bildirirəm ki, müharibə dövründə bir yumruq kimi birləşib orduya dayaq oldu, mənə arxa oldu və biz bunun hesabına düşmənin başını əzdik, Qələbə çaldıq. Bundan sonra qalib xalq və müzəffər ölkə kimi əbədi yaşayacağıq.
Qarabağ bizimdir! Qarabağ Azərbaycandır!”
Bölmənin digər xəbərləri
