RƏSMİ XRONİKA
PREZİDENTİN MƏTBUAT XİDMƏTİNİN MƏLUMATI
Aprelin 12-də Litva Prezidenti Valdas Adamkus Azərbaycan Respublikasının Prezidenti İlham Əliyevə telefonla zəng etmişdir.
Litva Prezidenti ölkəsində mövcud olan bəzi daxili problemlərlə əlaqədar aprelin 18-19-da Azərbaycana nəzərdə tutulmuş səfərə gələ bilməməsindən təəssüfləndiyini bildirmişdir.
Valdas Adamkus Prezident İlham Əliyev ilə bundan əvvəl keçirdiyi görüşləri məmnunluqla xatırlayaraq, həmin görüşlərin ikitərəfli əlaqələrimizin inkişafı baxımından əhəmiyyətli olduğunu vurğulamışdır.
Dövlətimizin başçısı Litva Prezidenti üçün münasib olan vaxtda onun ölkəmizə səfərinin həyata keçirilməsi üçün Azərbaycan tərəfinin hazır olduğunu bildirmişdir.