Professor Məmməd Adilovun 60 illiyinə həsr olunmuş elmi sessiya keçirilmişdir
Bakı, 18 noyabr (AZƏRTAC). Noyabrın 18-də Azərbaycan Milli Elmlər Akademiyasının (AMEA) Məhəmməd Füzuli adına Əlyazmalar İnstitutunda mərhum filoloq alim, professor Məmməd Adilovun 60 illiyinə həsr edilmiş elmi sessiya keçirilmişdir.
AMEA-dan AZƏRTAC-a bildirmişlər ki, tədbirdə Əlyazmalar İnstitutunun direktoru vəzifəsini icra edən, filologiya elmləri doktoru Paşa Kərimov Məmməd Adilovun həyat və yaradıcılığı, elmi irsi, elmi-təşkilati fəaliyyəti barədə məlumat vermişdir.
Tədbirdə filologiya elmlər doktorları Möhsün Nağısoylu, Kamandar Şərifli, Azadə Musayeva və başqaları alimlə bağlı xatirələrini bölüşmüşlər.
Sonra alimin ailəsi adından Vasif Adilov tədbirin təşkilatçılarına və iştirakçılarına minnətdarlığını bildirmişdir.
Bölmənin digər xəbərləri
