PROQNOZA İKİQAT ƏMƏL EDİLƏCƏKDİR
Keçən il Babək rayonunun fermerləri və torpaq mülkiyyətçiləri şəkər çuğunduru sahəsindən yüksək məhsuldarlığa görə 720 ton şəkər tozu əldə etmişdilər. Fermerlər və fərdi təsərrüfatlar bu il 900 hektar sahədə məhsul yetişdirmişlər. Rayon şəkər çuğunduru qəbulu məntəqəsinin direktoru Dilsuz Qasımov AZƏRTAC-ın müxbirinə demişdir ki, məntəqəmizə hələlik 15 min ton məhsul daxil olub. Bağlanmış müqaviləyə görə, məhsulumuzu İran İslam Respublikasının Urmiya şəkər emalı fabrikinə göndəririk. Hər ton şəkər çuğundurunun əvəzində isə natura şəklində 72 kiloqram şəkər tozu alırıq. Hesablamalara görə, mövsümün sonunadək məntəqəmizə daha 10 min ton şəkər çuğunduru daxil olacaqdır. Bu, proqnoza iki dəfədən də çox əməl edilməsi deməkdir.
Bölmənin digər xəbərləri
