QAÇQIN-KÖÇKÜN UŞAQLARI YAY DÜŞƏRGƏSİNDƏ DİNCƏLMİŞLƏR
Buzovna qəsəbəsindəki uşaq evinin binasında Sabirabad, Saatlı və Biləsuvar rayonlarındakı çadır şəhərciklərində məskunlaşmış qaçqınların və məcburi köçkünlərin uşaqları üçün yay düşərgəsinin rəsmi bağlanış mərasimi olmuşdur. İsti yay günlərdində düşərgədə iki növbədə 100 uşaq iki həftə dincəlmişdir.
Bağlanış mərasimində Azərbaycan Qırmızı Aypara Cəmiyyətinin rəhbərliyi və Beynəlxalq Qırmızı Xaç və Qırmızı Aypara Cəmiyyətləri Federasiyasının, Beynəlxalq Qırmızı Xaç Komitəsinin (BQXK) ölkəmizdəki nümayəndələri iştirak etmişlər. Pantomima Teatrının artistləri uşaqlara səhnələşdirilmiş tamaşa göstərmişlər. Onlara, habelə Buzovna qəsəbəsindəki uşaq evində daimi yaşayan uşaqlara BQXK-nin hədiyyələri paylanmışdır.
Yay düşərgəsi ABŞ Dövlət Departamentinin maliyyə yardımı ilə Azərbaycan Qırmızı Aypara Cəmiyyətinin miqrasiya proqramı çərçivəsində təşkil edilmişdi.
Bölmənin digər xəbərləri
