QAÇQIN VƏ MƏCBURİ KÖÇKÜN YENİYETMƏ VƏ GƏNCLƏRİN ÜÇÜNCÜ RESPUBLİKA YARADICILIQ FESTİVAL-MÜSABİQƏSİ KEÇİRİLƏCƏKDİR
Bakı, 20 oktyabr (AZƏRTAC). Gənclər və İdman Nazirliyi tərəfindən qaçqın və məcburi köçkün yeniyetmə və gənclərin üçüncü respublika yaradıcılıq festival-müsabiqəsinə start veriləcəkdir.
Oktyabrın 20-də “Gənclik” Beynəlxalq Turizm Mərkəzində tanınmış mədəniyyət xadimlərindən ibarət münsiflər heyəti tərəfindən qaliblərin seçim mərhələsi keçiriləcəkdir.
Nazilikdən bildirmişlər ki, festival-müsabiqənin keçirilməsinin məqsədi “Azərbaycan Gəncliyi Dövlət Proqramının (2005-2009-cu illər)” icrasını təmin etmək, qaçqın və məcburi köçkün gənclərin yaradıcılıq qabiliyyətlərini inkişaf etdirmək, onlara dövlət qayğısını daha da artırmaq, asudə vaxtlarının səmərəli təşkil olunmasıdır.
Tədbir çərçivəsində gənclər arasında rəsm, musiqi, şeir sahəsində müsabiqələrin keçirilməsi planlaşdırılır.
Oktyabrın 21-də isə müsabiqənin qaliblərinin mükafatlandırılması mərasimi və qala konsert keçiriləcəkdir.
Bölmənin digər xəbərləri
