Qanunsuz ovla məşğul olanlara 12 min manat cərimə tətbiq edilmişdir
Bakı, 3 mart (AZƏRTAC). Ekologiya və Təbii Sərvətlər Nazirliyinin aidiyyəti qurumlarının əməkdaşları “Ovçuluq haqqında” Azərbaycan Respublikası Qanununun tələblərinə əməl olunması vəziyyətini araşdırmaq məqsədi ilə fevralın 18-dən 27-dək reydlər keçirmişlər.
Nazirliyin mətbuat xidmətindən AZƏRTAC-a bildirmişlər ki, reydlər zamanı qanunsuz ov edən 56 nəfərdən 53 ov tüfəngi, 88 quş və 200 ədəd patron götürülərək müvafiq qaydada aktlaşdırılmışdır. Qanun pozuntusuna yol vermiş şəxslərə inzibati qaydada 12 min manat məbləğində cərimə tətbiq edilmişdir.
Reydlər davam etdirilir.
Bölmənin digər xəbərləri
