QARA DƏNİZ BANKI AZƏRBAYCANDA YENİ LAYİHƏYƏ KREDİT AYIRMIŞDIR
“Azərşüsə” zavodunun tikintisi Azərbaycan Beynəlxalq Bankı ilə müştərək maliyyələşdiriləcəkdir. İldə 100 milyonadək müxtəlif növ şüşə qab istehsal etmək gücünə malik olacaq zavod ölkəmizin belə məhsula ehtiyacını ödəyəcəkdir.
Bankın Direktorlar şurasının iclasında iştirak edən Dövlət Neft Fondunun icraçı direktoru Samir Şərifov demişdir ki, qəbul olunmuş qərar regional bankın Azərbaycanda qeyri-neft sektorunun inkişaf etidirilməsi və yeni iş yerlərinin yaradılması istiqamətində görülən işlərə əməli dəstəyinin göstəricisidir.
Xatırladaq ki, Qara Dəniz Ticarət və İnkişaf Bankı regional ticarəti və iqtisadi inkişafı təşviq etmək məqsədi ilə 11 ölkə (o cümlədən Azərbaycan) tərəfindən 1996-cı ildə təsis edilmiş beynəlmiləl maliyyə qurumudur.
Bölmənin digər xəbərləri
