QARABAĞ BÖLGƏSİNDƏ RABİTƏNİN BƏRPASI PROQRAMI HAZIRLANMIŞDIR
Rabitə və İnformasiya Texnologiyaları Nazirliyində Qarabağ bölgəsində rabitənin bərpası proqramı hazırlanmışdır. Qarabağın işğal altındakı əraziləri azad olunandan sonra həmin regionda qısa vaxt ərzində rabitənin bərpası üçün yaradılacaq mobil qruplar, lazım olacaq texnika və vəsait dəqiqləşdirilmişdir.
Nazirlikdən AZƏRTAC-a bildirmişlər ki, hazırda Qarabağın Ermənistanın işğalı altında olan bölgələri ilə həmsərhəd ərazilərdə rabitə və informasiya texnologiyaları sahəsində islahatlar aparılır. Bütün cəbhə boyu əhaliyə nümunəvi rabitə xidməti göstərilməsi məqsədilə kəndlərdə elektron ATS-lər, poçt şöbələri tikilir, yeni proqramlar həyata keçirilir.
Bölmənin digər xəbərləri
