Qarabağa qayıdışın effektiv təşkili məqsədilə məcburi köçkünlər arasında sorğu keçirilir
Bakı, 22 fevral, AZƏRTAC
Qarabağa qayıdışın effektiv təşkili məqsədilə məcburi köçkünlər arasında sorğu keçirilir. Sorğuda Azərbaycan Dövlət İqtisad Universitetinin (UNEC) məcburi köçkün statusu olan əməkdaşları və tələbələri də iştirak edirlər.
Bu barədə AZƏRTAC-a UNEC-dən məlumat verilib. Bildirilib ki, sorğunun nəticələri işğaldan azad olunmuş ərazilərimizin bərpası və qayıdışın planlaşdırılması zamanı nəzərə alınacaq. Dövlət sifarişi əsasında, müxtəlif elmi-tədqiqat və tədris müəssisələrini təmsil edən və müstəqil qrup kimi fəaliyyət göstərən alimlər tərəfindən aparılan sorğu materialları, o cümlədən respondentlərin şəxsi məlumatları və cavabları məxfi qalacaq.
Sorğuda https://sorgu.ada.edu.az/ linki vasitəsilə iştirak etmək olar.
Bölmənin digər xəbərləri
