“Qarabağ”ın gənc üzvü Musa Qurbanlı “Zirə”yə keçə bilər
Bakı, 26 avqust, AZƏRTAC
Ağdamın “Qarabağ” futbol klubunun gənc üzvü Musa Qurbanlı “Zirə”yə keçə bilər.
AZƏRTAC xəbər verir ki, Ağdam klubunda əsas heyətə düşə bilməyən yarımmüdafiəçinin icarə əsasında “Zirə”də oynaması gündəmdədir. Məsələyə münasibət bildirən “Qarabağ”ın baş məşqçisi Qurban Qurbanov futbolçunun başqa kluba getmə ehtimalını istisna etməyib: “Bu gün Musa komandadadır. Gələcəkdə necə olacaq deyə bilmərəm. Gənclərin başqa komandaya gedib oynayaraq təcrübə qazanmasını həmişə istəmişəm. Belə ehtimal olarsa, hər hansı bir futbolçumuz üçün belə bir addım atarıq”.
Bölmənin digər xəbərləri
