“Qarabağ”ın sabiq qapıçısı karyerasını “Arsenal”da davam etdirə bilər
Bakı, 12 yanvar, AZƏRTAC
Ağdamın “Qarabağ” klubunun sabiq qapıçısı Asmir Beqoviç karyerasını İngiltərənin “Arsenal” komandasında davam etdirə bilər.
AZƏRTAC xəbər verir ki, hazırda Çempionşip təmsilçisi “Bornmut”da çıxış edən Bosniya və Herseqovina millisinin üzvü “Arsenal”ın maraq dairəsinə düşüb.
Ehtiyat qapıçı axtarışında olan London təmsilçisində əsas namizədlərdən birinin 34 yaşlı Beqoviç olduğu bildirilib.
Qeyd edək ki, A.Beqoviç 2019/2020-ci il mövsümünün ilk hissəsini icarə əsasında “Qarabağ”da keçirib.
Bölmənin digər xəbərləri
