QAX, ZAQATALA VƏ BALAKƏNDƏ VERGİ DAXİLOLMALARI ARTMIŞDIR

05.08.2004 [12:06]
Çap et
A⁺ A^-

AZƏRTAC-ın müxbiri xəbər verir ki, 13 saylı Ərazi Vergilər İdarəsinin kollektivi vergi daxilolmaları üzrə 2004-cü ilin birinci yarısının proqnoz tapşırıqlarını artıqlaması ilə yerinə yetirərək, yarımillik plana 103,1 faiz əməl etmişlər. İdarənin xidmət göstərdiyi Qax, Zaqatala və Balakən rayonları üzrə altı ay ərzində 3 milyard 767 milyon manat əvəzinə 3 milyard 882,9 milyon manat vergi toplanmışdır. İdarə üzrə büdcə daxilolmalarının həcmi ötən ilin müvafiq dövrü ilə müqayisədə 341,9 milyon manat artmışdır.

İdarədən AZƏRTAC-ın müxbirinə bildirmişlər ki, respublikamızda uğurla davam etdirilən iqtisadi islahatlar çərçivəsində vergi sisteminin təkmilləşdirilməsi istiqamətində həyata keçirilən tədbirlər, vergi qanunvericiliyinə edilən son əlavələr və dəyişikliklər, vergi dərəcələrinin aşağı salınması, vergi ödəyicilərinin hüquqlarının genişləndirilməsi və onların maarifləndirilməsi, ölkədə sahibkarlıq və biznes fəaliyyəti üçün əlverişli şəraitin yaradılması vergi daxilolmalarının artmasına birbaşa təsir göstərən əsas amillərdəndir.

QAX, ZAQATALA VƏ BALAKƏNDƏ VERGİ DAXİLOLMALARI ARTMIŞDIR

MÜƏLLİFLƏ ƏLAQƏ

Bölmənin digər xəbərləri