Qaxda sahibkarlar üçün treninq keçirilmişdir
Bakı, 23 noyabr (AZƏRTAC). Bakı Biznes Tədris Mərkəzinin Şəki nümayəndəliyinin təşkilatçılığı ilə Qaxda sahibkarlar və sahibkarlıq fəaliyyətinə yeni başlayanlar üçün “Biznes planların və investisiya layihələrinin hazırlanması” və “İqtisadiyyat və Sənaye Nazirliyi tərəfindən göstərilən elektron xidmətlər” mövzularında treninq keçirilmişdir.
İqtisadiyyat və Sənaye Nazirliyinin mətbuat xidmətindən AZƏRTAC-a bildirmişlər ki, treninq iştirakçılarına biznes ideyanın yaradılması, biznes-planların tərtib edilməsi, SWOT təhlilin və strateji planlaşdırmanın aparılması, maliyyə planlarının hazırlanması barədə məlumatlar çatdırılmışdır.
Treninqdə, həmçinin İqtisadiyyat və Sənaye Nazirliyi tərəfindən göstərilən elektron xidmətlər, www.icazeler.gov.az, www.b2b.az elektron portalları və onlardan istifadə qaydaları, portalların biznesin səmərəli təşkili və inkişafına yaratdığı imkanlar, o cümlədən “İnvestisiya layihələrinin maliyyələşdirilməsi ilə əlaqədar elektron idarəetmə sistemi” barədə geniş məlumat verilmişdir.
Bölmənin digər xəbərləri
