Qaz emalı zavodunda ekoloji monitorinq aparılmışdır
Bakı, 19 aprel (AZƏRTAC). Azərbaycan Respublikası Dövlət Neft Şirkətinin (ARDNŞ) qaz emalı zavodu ilə ekoloji monitorinq departamenti QSC arasında bağlanmış müqaviləyə əsasən 2013-cü ilin I rübü ərzində zavodun istehsalat fəaliyyətinin ətraf mühitə ümumi antropogen təsirləri təhlil olunmuş, qaz emalı zamanı istehsal sahələrində formalaşan çirkab axıntı sularının utilizasiya mexanizmi tədqiq edilmişdir.
ARDNŞ-in mətbuat xidmətindən AZƏRTAC-a bildirmişlər ki, istehsal zonasında atmosferin çirklənməsi və radiasiya fonunun müəyyən edilməsi üzrə ölçmə işləri aparılaraq sanitar epidemioloji vəziyyətin parametrləri tədqiq olunmuş, əldə edilən nəticələr ARDNŞ-in rəhbərliyinə təqdim edilmişdir.
Bölmənin digər xəbərləri
