QAZAX-GÜRCÜSTAN SƏRHƏD AVTOMOBİL YOLU YENİDƏN QURULUR
“Akkord İnşaat -Sənaye” ASC-nin mətbuat xidmətindən AZƏRTAC-a bildirmişlər ki, Şərq-Qərb avtomobil yolu layihəsinə daxil olan Qazax-Gürcüstan sərhəd (Qırmızı körpü) avtomobil yolunun 36 kilometrinin yenidən qurulması plana uyğun davam etdirilir. Çəkilişinə bu ilin iyulunda start verilmiş yolda hərəkətin təhlükəsizliyi və fasiləsizliyini təmin etmək üçün 15 kilometrlik müvəqqəti yol salınmışdır. 60 nəfərlik işçi qüvvəsinin 80 faizi yerli sakinlərdir. Yolun 16, 21 və 26-cı kilometrlərində üç körpünün tikintisi nəzərdə tutulur.
“Azəryolservis” ASC-nin sifarişi ilə inşa edilən yolun yenidən qurulması Asiya İnkişaf Bankı tərəfindən maliyyələşdirilir. Podratçısı “İmpresa” şirkəti, subpodratçı isə “Akkord İnşaat-Sənaye” ASC-dir. Tanınmış “Kocks” GmbH şirkəti layihə üzrə məsləhətçi qismində cıxış edir.
Bölmənin digər xəbərləri
