QAZAXDA ABADLIQ VƏ YAŞILLAŞDIRMA AYLIĞI KEÇİRİLİR
Azərbaycan Prezidenti Heydər Əliyevin Gəncə və Goranboydakı görüşləri zamanı verdiyi məsləhət və tövsiyələri rəhbər tutan Qazax rayonunun rəhbərliyi və sakinləri daxili imkanlar hesabına abadlıq və yaşıllaşdırma aylığına başlamışlar.
Bakı-Qazax magistral yolunun keçdiyi Sabir küçəsində, habelə Azadlıq prospektində səkilər yenidən qurulur. Az bir müddətdə səkilərə yerli sexlərdə istehsal olunan 2 min kvadratmetrdən artıq bəzəkli örtük döşənmişdir. İsmayıl Şıxlı adına veteranlar parkında, Nəriman Nərimanov adına parkda, Heydər Əliyev adına bulağın ətrafında və digər yerlərdə abadlıq və yaşıllaşdırma işləri görülür. Ən əsas odur ki, bu işdə bütün idarə və təşkilatlar, kommersiya qurumları və sakinlər böyük fəallıq göstərirlər.
Bölmənin digər xəbərləri
