Qazaxıstanda beynəlxalq aviareyslərin bərpası hələlik planlaşdırılmır
Nur-Sultan, 8 iyun, AZƏRTAC
Qazaxıstanda beynəlxalq aviareyslərin bərpası hələlik planlaşdırılmır.
AZƏRTAC xəbər verir ki, Qazaxıstanın dövlət baş sanitar həkimi Ayjan Yesmaqambetova beynəlxalq reyslərin bərpası ehtimalını şərh edərək deyib ki, beynəlxalq aviareyslərin bərpasından hələ ki, söhbət getmir. Hazırda beynəlxalq aviareyslər bərpa olunmayıb və əvvəlki kimi ölkəyə yalnız Qazaxıstan vətəndaşları gətirilir. Bu, təxliyə uçuşlarıdır.
Qazaxıstanda artıq karantin şərtlərində bir sıra əlavə yumşalmaların da tətbiq edildiyini bildirən baş sanitar həkim yeni qaydaya əsasən, COVID-19 arayışları xarici ölkələrdən gələn şəxslər üçün də tanınacağını, arayışı olmayan şəxsləri tədqiqatların aparılması üçün ikigünlük karantinə yerləşdiriləcəyini bildirib.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
