Qazaxıstanda əcnəbi blogerlər üçün Dünya Köçəri Oyunlarının təqdimatı keçirilib
Astana, 30 iyul, AZƏRTAC
V Dünya Köçəri Oyunlarına Hazırlıq və Keçirmə Direktorluğu oyunların populyarlaşdırılması məqsədilə Astanada əcnəbi blogerlər üçün xüsusi təqdimat keçirib.
AZƏRTAC xəbər verir ki, tədbirdə 8 ölkə - Azərbaycan, Tailand, Malayziya, Çin, Oman, Türkiyə, Vyetnam, İtaliya və Qırğızıstandan 11 xarici bloger iştirak edib.
Tədbir çərçivəsində qonaqlar Dünya Köçəri Oyunlarında təqdim olunacaq unikal idman növləri ilə tanış olublar.
Təşkilatçıların fikrincə, əcnəbi blogerlərin tədbirdə iştirakı Qazaxıstanın mədəni və turizm potensialının geniş işıqlandırılmasını təmin edəcək.
V Dünya Köçəri Oyunları sentyabrın 8-dən 13-dək keçiriləcək. Tədbirdə 2 min nəfərin iştirakı gözlənilir. 21 idman növü üzrə 97 dəst medal oynanılacaq.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
